Pitra Dev Kon Hote Hai ? Inhe Kaise Khush karen ? पितृदोष दूर करने का सरल उपाय |

Is sansar me manushya janm lene ke sath hi is samaaj aur dharam se jud jata hai | Hindu Dharam ki ek vesheshata yah bhi yah ki is yah logo ko aazaadi deta hai | Manshya chahe aastik ho ya fir naastik , Hindu Dharam dono ko sweekar karta hai . Pitra Dev bhi hindu Dharam aur hamare parivar se jude ese dev hote hai jo samay samay par parivar ki raksha karte hai | Is sansar me nastik logo ke liye to bhagwan ka bhi astitv nhi hota fir vo Pitra Dev jaise chhote se dev ke astitv ko kaise sweekar karega | Kintu jo Aastik hote hai jo bhagwan ko mante hai vo samy samay par  Pitra Dev ki bhi pooja karte hai |

Pitra Dev kon hote hai :-

Jab kisi parivar se juda esa koi ladka jiski shaadi n hui ho aur kisi durghatna vas uski mrityu ho jati hai to vah pitra yoni ko prapt hota hai. Yaha parviar se abhipray sirf aapke aur aapke pita ji ke parivar se nhi balki aapki poori peedi se hai jo aapke baba se sambandhit hai. Esa ladka pitra yoni me jane ke pashchat baad me vah Pitra Dev ban jata hai|Pitra Dev parivar ki raksha karte hai , us parvivar ko ve kisi bhi prakar ki galat cheezo jaise bhoot -pret, jind, dakini, shakini, aur kiya karaye  aadi se raksha karte hai. Kintu yadi Pitra Dev rust ho jate hai to ve parivar ka ahit bhi karne lag jate hai |

Kaise jane Pitra Dev Rust(Naraj) hai : –

Jab Pitra Dev naraj hote hai to unka prabhav sabse pahle parivar ke pashuo(animals) par aane lagta hai | Parivar ke Pashu bimar hone lagte hai yaa fir doodh dena band kar dete hai yadi ghar me koi pashu nhi rakhta hai to Pitra dev ka krodh sabse pahle unke vaahan ( bike, car ) par aata hai iske pashchaat dheere dheere unki aarthik sthiti kharan hone lag jati hai | Parivar me aksmaat ladai aur man mutaav rhne lag jata hai aur aant me Parivar ke sadashyo ke swasth(sareer) par unka prabhav bimari ke roop me saaf dikhai dene lagta hai. Kuch log jald hi Pitra Dev ke in sanketo ko samjh jate hai aur unhe Khush kar lete hai aur kuch in samshayon me ualjhte hi chale jate hai .

Kaise Karen Pitra Dev ko khush :-

Jis parivar ke Pitra Dev khush hote hai unki vishesh krapa us parivar par bani rahti hai aur ve sadaa us parivar ki raksha karte hai. Kintu jab bhi kisi karan vas Pitra Dev rust(naraj) ho jate hai to unhe jald se jald khush karne ka upaay kar lena chahiye |  Vaise to mahine me amavshya wale din sabhi Pitra Dev ke naam ka deepak jala kar unko bhog aadi dete hai aur saal me ek baaar unhe shraad ke dino me bhojan aur vastra aadi bhi arpit karte hai | Kintu kabhi kabhi Pitra Dev is sab se khush nhi hote aur ese me hame unki krapa prapt karne ke liye vishesh upaay karne padte hai | To aaiye jante hai ek esa hi Prabhavshali upaay jinke karne se pitra dev bahut hi sheeghra prasann ho jate hai aur unki krapa parivar par aane lagti hai |

Ek kaanse ka katora lekar use sookhi raakh se saaf kar le, ab is katore me aap apne hath ki beech ki do unliyo se desi ghee dwara swastik(saathiya) bana le | Ab is sathiye ke uper 5 Rs ka sikka rakh de aur ab is katore ko ghehun(wheat) se bhar le | is katore ke uper aap ek bina paani wala nariyal par safed kapda lapetkar rakh le( nariyal bina pani wala aur bajne wala hona chahiye) Ab is katore aur nariyal ko apne ghar me kisi sthan par rakh le, yah sthan pooja ke sthaan se alag hona chahiye | Ab isi sthaan par aap ek mitti ke chote se gade(bartan) me paani bharkar rakh de is paani ko aap samay samay par check karte rahe , jaise pani kam ho jata hai aap uske aur pani daal diya karen |is sthan ke aage aap ek safed rang ka parda laga de | Ab aap is sthan par 41 dino tak ghee ka depaak jalaye | ye vidhi parivar ke purash dwara ki ja sakti hai, yadi ise mahila karti hai to deepak jalate samay sar par parda kar le ||

   ⇒ Hanuman ji Shabar Mantra || रोग, भूत- प्रेत और किये- कराये में प्रभावशाली मंत्र ||

41 din poore hone ke pashchaat aap is mitti ke bartan ke paani ko aap kisi bhi ped – poudhe me daal de , gehun ko pakshiyo ko khila de aur nariyal aur 5 rupaye ko aap hanuman ji mandir me chada de | Es upaay ko jaise hi aap shuru karte hai Pitra Dev ki krapa aap par hone lagti hai aur bigadate kaam bante chale jate hai | Yah ek prikshit prayog hai |

Video : पितृ देव को कैसे खुश करें ?

Thanks